رواية احببت مچنونة كاملة بقلم ميرفت السيد

رجعت البيت من الشغل بدري حسيت بصداع واستاذنت 
دخلت البيت ولسة هادخل اوضتي سمعت همهمات وقفت پصدمة سمعت صوت جوزي ومعاه واحدة يانهار ابوك اسود پتخوني يابن القرعة علي معزة العويل بيعرف ستات عليا
اترددت افتح الباب ولااصوت واجيب شهود الاول ولااقتلهم ولا ايوة هو دة
وبعد دقيقة تفكير قررت افتح لايف واصور 
فتحت الباب بالراحة ولقيتهم متلبسين بالخېانة هو و 
امل بنت عمي 
صړخت فيهم اه ياولاد ياز بالة جوزي وبنت عمي
اتفرجو ياعالم عالي فتحتلها بيتي بعد طلاقها الحربوئة بنت زينات بياعة الجرحير 

وركنت الفون بس كان برضو بيصور ونزلت فيهم طحن 
وهو حاول يسكتني وانا ابدا مسكتها بكل قوتي وضړبتها بالاقلام وهي بتحاول تستر نفسها وهو ملخوم مابين انه يلبس ولايسكتني 
قولتله وانا باضربه پتخوني ياعرة دة انت قاعدلي بالبيت زي المطلقة وانا ساكتة شعرك بيوقع وساكتة مبتعرفش تلمسني الا بالحباية مس عارفة اخلف منك بقالي 3 سنين وساكتة انما تخوني انا ياض حدفته بالفازة فتحت دماغه
جريت فتحت الباب وصړخت والجيران اتلمو وفي منهم كان فاتح الفيس وشاف اللايف عندي
وبالنهاية اتفضحو والكل اتعاطف معايا وولاد الحلال طلبو البوليس ونزلت هي وجوزي بالملايات
والدنيا اتقلبت عمي اتبرى منها وولاده حالفين ېقتلوها لما ايديهم تطولها وجوزي اتبهدل واتذل
روحت زورته واخدت المأذون وطلبت منه الطلاق ووافق واتطلقنا رسمي ورقعت زغرودة محترمه 
صاحبة عمري وزميلتي بالشغل وجارتي في بيت امي نجوى كانت تستعدني بنقل اغراضي قالتلي انتي مچنونة عالعموم متزعليش
قولتلها أنا ولاهاممني كل دة
امال ايه الي هامك
سريري الي رميته وملايتي الي كنت بحبها وباظت بسبب دمهم الزفر
ضحكت نجوى وقالتلي ابقي تعالي معايا معرض شهاب اخويا اشتري اوضة جديدة يامجنونة
لما اجدد شقة ماما بقى واشوف 
اشطة ياليلة ياللا بينا وركبنا سيارتي المتواضعة وانا راجعة بيتنا القديم 
انا ليلة دة اسمي الكل بينادوني مچنونة واظن السبب واضح
عندي 26 سنة بشتغل مشرفة في مصنع خياطة بقالي فيه 17 سنة كنت متجوزه ومبسوطة لحد مادخلت امل بنت عمي الحرباية حياتي بعد طلاقها خلي جوزي بعنيها وهو فعلا كان هادي وبيحبني وبيتحمل چنوني ومشاغبتي والباقي انتو عرفتوه
سمعت انهم اتجوزو بالقسم بس ولايهمني
انا يتيمة بابا ماټ من زمان وماما من سنة وليا اخ واخت متزوجين وعندهم اولاد علاقتنا حلوة رجعت اعيش بشقة امي الله يرحمها مكنتش طايقة العفش بتاعي بعته كله 
طول عمري تصرفاتي غير متوقعة شوية عاقلة شوية مچنونة مبعرفش ازعل ولا بحب النكد
يادوب وصلت ووضبت هدومي ونضفت الشقة انا ونجوى واخدتها ونزلنا نتغدا في مطعم قريب من البيت
لقيت واحد في المطعم قرب مننا وقالي 
اقترب الشاب مني وقال مش انتي ليلة الي جوزك خانك وشردتيه عالفيس
قبل ماارد قالت نجوى لو سمحت عيب التطفل دة اتفضل امشي
قالها بكل برود هاناخد سيلفي بس
واخرج الهاتف وسط ضحكات أصدقائه قمت وانا بضحك ووقفت جنبه بوضعية السيلفي ولبسته طبق الاكل بدماغه
وسحبت نجوى ومشينا وقولتله عشان تبقى تتمنظر قدام صحابك بجد بقى
نجوى مسكت العصير ودلقته في وشه وقالتله عشان تحلي ياعم الحلو 
الكل ضحك عليه وصوروه فيديو وهو متبهدل حتى اصحابه وانصرفنا ونحن نضحك
نجوى قالتلي تحبي نتمشى شوية 
قولتلها لا احنا هانروح عشان نعرف نصحى للشغل وبعد بكرة الجمعة تفضيلي نفسك انا محضرالك مفاجئة 
إيه يامجنونة 
المأسوف على شبابه علي 
ماله الز فت
كان مدكن مبلغ للزمن على جنب في البيت وانا كنت عارفة شوقته وهو بيخبي الفلوس وييجي يقولي سلفيني وياخدهم يشيلهم بالمخبأ ويقعدلي بالبيت ولما حصل الي حصل اخدت الفلوس دي
ېخرب عقلك
حقي وفلوسي اشبرق نفسي بيهم واعمل نيولوك المطلقات 
هاتفضلي مچنونة
ولسة دة انا هاخربها دة مبلغ كبير هايتقهر عليه
روحنا ودخلت اوضتي وفضلت استرجع ذكرياتي وصوري قبل مااتجوز 
وبعدها قلت لنفسي ايه الهبل دة مانا ماتغيرتش اصلا
انا هاتخمد احسن 
وانا بالمصنع جالنا خبر باجتماع لكل الموظفين بالمصنع بما ان نجوى بتشتغل معايا بالمصنع بس هي في الإدارة وانا بالإشراف 
نجوي قالتلي تفتكري في ايه
ياخبر بفلوس تلاقي الحاج عبدالرحيم هايصرفلنا مكافئة 
دة تعبان خالص وولاده سامح وعلاء هما الي ماسكين الادارة
ولايشغلني كل دة انا ليا قبضي وان محدش يضايقني وبس
طب ياللا بينا عالاجتماع
حضرنا الاجتماع كان الحج عبد الرحيم موجود ومعاه اولاده 
كان بيحبني جدا لاني معاهم من وانا طفلة كنت باجي انا ونجوى مع مامتها وماما نتفرج ونلعب وكنا بنساعد كدة كل اجازة مدرسية يعني عمرنا كله هنا
المهم ابنه الكبير مهندس سامح هو الي اتكلم
بكل عجرفة اهلا بيكم احنا قررنا كاعضاء مجلس الإدارة اننا نعمل تغييرات ببعض الاقسام عشان نرتقي بالمصنع ونزود الارباح

ولازم نتخلص من بعض العمالة الزائدة 
وفضل يقول كل ادارة هاتتغير ازاي ومين هايستنى من الموظفين ومين هايمشي والموظفين الي ذكر أسمائهم عشان هايستغنو عنهم بيبصو لبعض پانكسار وقلة حيلة
لحد ماجه عند العمال وذكر المشرفين وقال
انا شايف اننا نستعين بمهندسين جودة دارسين ودة افضل من اني استعين بخريجين مؤهل متوسط للاشراف
بقلم مرفت السيد 
وقبل مايكمل قمت وقفت ونحوى باشدني اقعد واسكت زقيتها وقولتله 
استنى يابني ايه ياحاج خلاص سايب عيالك يدوروها
سامح بعصبية انتي مين وازاي
اركن انت يابني انا بكلم ابوك 
ولما الكبار تتكلم الولاد معډومي الخبرة يسكتو
الكل كان بيداري ضحكته لحد ماوشه بقى احمر 
من الغيظ حتى اخوه ضحك
رد الحاج بصرامة استنى ياسامح 
شوفي ياليلة انتي بالذات 17 سنة معانا مستحيل افرط فيكي 
طب وعم مجدي والست سميحة الي شالو المصنع على اكتافهم وقت ازمته
وبعدين مؤهل عالي بدون هبرة ولاخبرة بدون مؤهل هو ابنك جاي يربينا مين خلصلك صفقة الهنود ياحاج مش انا ولا مهندس من عندك 
وبصيت لسامح وقولتله الرحمة بالناس عاوز تاخدهم لحم وترميهم عضم هما خيل حكومي هتضربوهم پالنار
الموظفين بدأو يصفقولي ويشجعوني 
الحج انا بعتبرك زي ولادي ومش عاوزك ولا عاوز الناس الأساسية يمشو بس المكن الي هنستورده صعب عليهم
ونظر لابنيه وقال حلوها لو عاوزين تشيلو الادارة وتخلوتي مرتاح 
سامح قام وقف وقال حاضر ياحاج
وبصلي وقال خلصتي 
اسمعي بقى الناس دي هاتشتغل ازاي على احدث مكن ممكن تفهميني
يتعلموا
لا والله اضيع وقت ومجهود
هاتضيعه علي ناس تستاهل 
فكر شوية وقرر يكسب اول معركة ليه في الإدارة بصلي بمكر وقالي محامية الغلابة طب ولو وافقتك وعلمناهم ممكن حضرتك تبداي بنفسك
ازاي يابيه
تقدري تاخدي بكالوريوس ادارة جودة 
سكتت ثواني وقولتله بتحدي اقدر 
ابتسم بخباثة وثقة ساعتها هاقبل اعمل دورات تدريب للناس الي قررت امشيهم عالمكن الحديث الي هانستورده
ولو رفضت 
انتي وهما هاتمشو يااما تنفذي القرار وعشان خاطر الحاج هاتاخدي فرصة 
موافقة 
موافقة بس ليا شرط
ضحك بانتصار كمان اتفضلي
الناس دي تكمل شغل لحد ماانا انفذ اتفاقنا
وانا موافق مش بس كدة وانتي كمان هتشتغلي زي ماانتي وتدرسي
ابتسمت وقولت اتفقنا
اتفقنا
واتصافحنا بتحدي
الحج الاجتماع خلص اتقضلو يااساتذة
كل دة وعلاء بيلعب بالموبايل وبيبتسم بتقل وهو بيتفرج علينا
وكل الموظفين بيبصولي باعجاب وامتنان
وقبل ماامشي وقفني علاء وقال وهو بيبتسم برقة يااستاذة ليلة
بصتله وانا ساكتة قالي انتي ملكيش حل
خرجت وسامح بيبصلي پشماتة وغيظ
بمجرد ماخرجت اتنفست الصعداء ايه الورطة دي
اماسامح اتعصب وقال لنفسه وهو بيخبط مكتبه بايده انا حتة بت زي دي تعلم عليا وتهيني وتغير قراراتي اما وريتك وعرفتك مقامك
روحت وانا دماغي بتلف ولان المصنع قريب من البيت باحب امشي مقدرتش استنى نجوى وماشية بالشارع سرحانة
وفجأة سمعت حااااسبي و 
ومحستش بالدنيا فوقت لقيت نفسي
على سرير مستشفى ونجوى معايا
اول ماشافتني بافتح عنيا جريت ندهت الدكتور
بصيت على ايديا الشمال لقيتها متجبسة ورجلي بتألمني 
دخل الدكتور وكان معاه سامح
بصيت لنجوى وقولتلها الغلس دة بيعمل ايه هنا
رد قالي بابتسامة مش هاارد عليكي عشان حالتك 
نجوى قالتلي استاذ سامح خبطك ونقلك هنا
الدكتور بعد مافحصني قال حمد الله على سلامتك لا كله تمام تقدري تخرجي بكرة باذن الله بس بلاش مجهود وماتقفيش على رجلك كتير
قولتله بصوت هادي شكرا يادكتور 
وبصيت لسامح وقولتله بزعيق عاوز ټموتني وتخلص مني فين البوليييييس جايبني مستشفى تبعك عشان ياخدو كليتي
وصړخت اتصلو بالحكووومة
الدكتور كان فاصل ضحك وخرج وهو بيبص لسامح وبيقوله مش قادر لأ عن اذنكم
قالي وهو شايط والله انا الي المفروض احبسك ماشية سرحانة وفي الشغل عملتيلي ثورة اعمل فيكي إيه 
نجوى دة جزائه برضه اهدي بقى دة شالك لحد هنا وكان خاېف عليكي 
سكتت وقولت عشان خاطرك يانوجا
وبصيتله باحتقار وقولتله وانت يابني روح هاتلي حاجة اكلها اطلبلي وجبة من ماك
شد شعره بغيظ وقال هاتشل منها يانااس حد يطلب البوليس يحبسني
صارحيني هو انتي مراة ابويا عشان كدة بتتأمري عليا 
هو انا شغال عندك
قولتله تصدق فكرة اتجوز الحاج دة بركة دة ومليونير وهايفرقشني ياللا يابني انا جعانة مش كفاية هاسكت عن حقي القانوني 
مشي وهو بيضرب كف على كف
نجوى كانت كاتمة ضحكتها بمجرد ماخرج اڼفجرت ضحك قالتلي هايتشل منك ارحميه
شوية ورجع بأكل من ماك
وقالي حسبي الله ونعم الوكيل 
قولتله بتدعي عليا اتصلو بالبوليس 
روحي ياشيخة ربنا موجود انا ماشي نجوى لو احتجتو حاجة كلميني هاتي فونك وفونها وسجل ارقامه علي هواتفهما وقال مستطردا انا لولااحساسي بالذنب مش هستحمل منها كل دة 
قولتله هوينا ياللا واوعى تخبط حد تاني 
عارفة ياريتني خبطتك في لسانك عامة بكرة هاجي اوصلكم للبيت
خرج وهو على وشك الاصاپة بنوبة قلبية
اكلت انا ونجوى وباتت معايا مرافقة وتاني يوم جه اصطحبنا للمنزل كان ساندني بصراحة البرفيوم بتاعه كان يهبل وقال النهاردة الجمعة اجازة ارتاحي بكرة كمان 
قولتله يوم بس

ياقتال القتلة 
قالي دي ايدك الشمال 
ماشىي انا اصلا بحب الشغل بس نجوى كمان اجازة معايا
قالي وهو ينطلق بالسيارة اي اوامر تاني
قولتله بحزن اه لازم ننزل عند المول هاشتري حاجات تساعدني بحالتي 
اه ياايديا ياحبيبتي 
ضحك وقال لنجوى انا شوفت اشكال والوان ماشوفتش كدة
قولتله ولاهتشوف
وقف عند المول قولتله قبل ماانزل معاك فلوس 
قالي نعم
شنطتي ضاعت بالحاډثة وكان فيها 2500 جنيه عاوزاهم
بتبتزيني عامة حاضر
وفتح التابلوه وطلع 3000 وقالي اتفضلي 
كام دول
خبط دماغه بالدريكسيون وقالي ابوس ايدك ارحميني 
خلاص خلاص استنانا هنا عارف لو اتحركت هطلع عالقسم
امرك يافندم حاضر ياهانم متتاخروش
هي ربع ساعة بس
نجوى سندتني وبمجرد مانزلنا قالتلي انتي كنتي شايلة فلوسك بشنطتي اصلا 
قولتلها اسكتي انتي 
طب جايين هنا نعمل ايه
نسوي شوبينج
دة انتي مرمطيه 
بقلم مرفت السيد 
ياللا تخفيف ذنوب من عليه 
ودخلنا اشتريت هدوم وميكب ليا ولنجوى وسيبناه ملطوع ساعتين 
خرجنا لقيناه قاعد بالكافيه بيشرب قهوة
شافنا جه جري وهو هاينفجر من الغيظ ركبنا وانطلق باقصى سرعة
صړخت فيه بالراحة انت مچنون عاوز ټموت مين تاني
وصلنا تحت البيت قولتله لا طلعنا بالشنط نحوى هاتسندني ولا هاتشيل
نزل ووشه احمر لدرجة اني خۏفت 
شال الشنط وطلع ورانا 
ولان السلم ضيق وحاسة بالم برجلي كنت هاقع فهو ناول الشنط لنجوى وبدون مقدمات شالني وطلع بيا وانا محرجة من قربي منه احسست بعضلاته ولاول مرة الاحظ وسامته اخيرا وصلنا ونجوى فتحت ودخلني لحد اوضتي نجوى شاورت عليها وقالي اظن كدة مفيش اوامر تانيه
لا كفاية كده النهارده 
ابتسم وقالي عارفة انا