عازمين خطيبي وامه
عازمين خطيبي هو و امه و ابوه و اخواته و عاملين حسابهم ف الاكل
لقيته جاي قبل المغرب بساعه لوحده بقوله فين الجماعه قالي مش
فاضيين رايحين قرايه فاتحه ابن عمي قولتله فاتحه ابن عمك اهم من عزومتنا و جاي بطولك زي المقطوع و زعلت اوي لقيته قالي يا ستي متزعليش و لا تزعلي نفسك
خد التليفون و طلع بره عشر دقائق و قالي الجماعه هييجوا
واحده جارتهم و مالي عربيه مقرباص للاخر و جايين
طبعا انا مش هكدب و اقول كنا عاملين بالزياده لان احنا كنا عاملين ع
القد لكن ده جابلي خمسين نفر و ماما كانت واقفه ف المطبخ جنب الحلل حاطه أيدها ع قلبها لا الاكل ميكفيش و عماله تحسبن عليا
الاكل اتحط و كلهم قعدوا و احنا مقعدناش لان مفاضش لنا اكل اصلا و اول ما مشيوا بابا فضل يلعن ف الساعه اللي شافني فيها ليه و ازاي
تقوليله جاي لوحدك ليه ما عنهمما جم و مكنش لازم تتشددي اوي كده يا اختي اهو جاب العيله بحالها و احنا متسممناش خلصوا اكل و خدوا
بابا معاهم ف قرايه الفاتحه قسما بالله طلعوا من عندنا يزغرطوا و ماما قالتلي ادخلي حمريلنا بطاطسيه بقا ومفيش نوم غير لما مواعين الفرح دي تتغسل
انا غلطت ف اي طيب مهو محدش فيهم قدرني و جه و التاني راح رن ع العيله كلها
