صاحب جوزي
المحتويات
فين
رؤوف
عيب الكلام اللي انت بتقولوا ده انت لسه قايل أننا اخوات
ومشي رؤوف من عماد ونزل عماد لامه
عماد
ينفع كده ياما اللي حصل ده استريحتي لما كوثر سابت البيت ومشيت دنا بحتاس انا وليلى من غيرها
الام
اهدي ياعماد هو انا كنت غلطت فيها يابني دي مراتك شكلها كانت بتتلكك عشان تروح لأمها
هي كانت عايزه تمشي اصلا وجبتها
عماد
لا يا أمي كوثر عمرها مابتحب تسيب بيتها اصلا
طول عمرها بتحب البيت
الام
خلاص يابني حقك عليا لو عايزيني اروح ابوس على ايديها ترجعلك اروحلها. خرجت ناهد وقالت
ناهد
لا طبعا يا ماما مش للدرجه روحي بس صالحيها وخليها ترجع لبيتها وبنتها
الام
حاضر ياولاد طلما ده هيرضيلك
ناهد
وانت ياعماد متتكلمش مع ماما بالطريقه دي انا حاساك بتزعقلها
يا ناهد اصلك مشوفتيش كانت بتعامل كوثر ازاى لما طلعت عندنا فوق
الام
خلاص ياعماد لما مراتك ترجع البيت بالسلامة انا مش طالعه عندكم تاني عشان انا بعملك مشاكل
ناهد
ياماما عماد ميقصدش هو بس قصده انه هو ومراتة احرار في بيتهم وولا انتي ولا حتى انا ندخل بينهم
الام
حاضر ياولاد اللي تشوفوه وبعدها دخلت ناهد علشان تنام وليلي قالت ليها
عمتو هي ماما مش هترجع البيت هنا تاني
ناهد
لا ازاى يا ليلي هترجع ياحبيبتي قريب هي وحشتك انتي عايزه تروحلها قولي لو عايزة اوديكي عندها
ليلى
لا لا مش عايزة اروح عندها انا عايزة افضل معاكم انتي وتيتة
ناهد استغربت من موقف ليلى وقالت لنفسها غريبة اوي ومش عارفة ليه بحس ساعات ان ليلى پتكره امها اكيد الموضوع ده فيه سر
كوثر
الو ايوه ياعماد عايز مني ايه بعد اللي امك عملته فيا
عماد
ايوه ياحبيبتي وحشتني اوي ياكوثر البيت وحش من غيرك اوي
كوثر
كفاية عليك مامتك ياحبيبي ماليه عليك البيت
عماد
ايه الكلام ده بس ياكوثر هو انا ليا بركة غيرك وبعدين ياقلبي هي امي انتي بقا حته من قلبي
كوثر
ايوه ياعماد كولني بالكلام المعسول بتاعك ده مش باخد منك غير كلام وبس
ههههه معسول ايه بس ده الكلام طالع من قلبي علي العموم امي قالت لي انها جيالك تأخدك ابقي ارجعي معاها بقا
كوثر
ماشي يا عماد بس لو امك أدخلت في حياتنا تاني هسيبلك البيت ومش هرجعلك ابدا
وقفلت السكة مع عماد واتصلت برؤوف
كوثر
الووو ايوه يا رؤوف بقولك اصل عماد لسه قايلي ان امه هتجي تصالحني تاخدني من هنا بكره وبصراحه خاېفة
لا بصراحة اعدتي عند امي رخمت اوي يا رؤوف عايزة بيتي وكمان عشان بنتي معاهم
كوثر
لا طبعا يارؤوف مش هينفع يلهوي لو امي خدت بالها دي تبقي مصېبة
هاشوف يلا سلام
وفضلت افكر في كلام رؤوف بصراحة انا بحبه اوي وبحسه راجل عن عماد ده غير انه معاه فلوس كتير ومش متجوز يعني انا وبس اللي في حياتة
وتاني يوم حماتي جات عشان تصالحني
ام كوثر
يا اهلا وسهلا ياست ام عماد نورتينا والله
ام عماد
الله يخليكي ياحبيبتي ده نورك يرضيكي يعني كوثر تسيب البيت وتمشي عشان كلمتين انا قولتهم من غير قصد
ام كوثر
معلش يا ست ام عماد كوثر بنتك برضو وبتدلع عليكي وانا عارفة انك بتحبيها وميهونش عليكي زعلها
ام عماد
هي لو كانت بتهون عليا كنت جيت ربنا يعلم هي غالية عندي زي ناهد ازاى
كوثر
منا عارفة ياحماتي اني غالية عندك بس يعني مكنش يصح انك تغلطي فيا بالشكل ده
ام عماد
خلاص بقا ياكوثر يلا بينا على بيت جوزك
وفعلا رجعت مع حماتي على البيت وسلمت على ناهد وليلى بنتي اخدتها بس حسيت ان البنت مش فرحانة برجوعي
كوثر
ايه يا ليلي هي ماما مش وحشتك ولا ايه
ليلى
لا
متابعة القراءة
