روايه للكاتبه أسراء ابراهيم
المحتويات
اصلا بجينا اصحاب مش اكده يا رؤي اسمك حلو خالص وكمان شعرك جميل جوي جوي
رؤي ابتسمت بتلقائية وبصت لحبيبة بفرحة وهي بترد وبتمسك شعرها انتي اول واحدة تجولي ان شعري حلو وعشان كدة انا حبيتك جوي
ضحكت حبيبة علي كلام رؤي وحضنتها وهي بتقولها بحب يا روحي انتي والله انا اللي حبيتك جوي وعلي فكرة بجي احنا هنتسلو جوي مع بعض
ضحكت فايزة وهي بتبص لرؤي پصدمة وبعدين رجعت بصت لحبيبة وردت بضحك شوفتي رؤي حبتك ازاي لدرجة انها عاوزة تمشيني ماشي يا رؤي لما ارچعلك
حبيبة كانت فرحانة اوي ان رؤي تقبلتها لانها كانت خاېفة انها تبقي منعزلة بنفسها بس طلعت العكس خالص فطبطبت عليها بحب وهي بتوجه كلامها لفايزة لا يا ميس فايزة دي رؤي بس خاېفة عليكي لتتأخري وغمزت حبيبة لرؤي وهي بتكمل كلامها بابتسامة مش اكده يا رؤي
ردت فايزة بابتسامة وهي بتبص في ساعتها باستعجال طب يا حبيبة همشي انا بجي وكيف ما جولتلك متقلقيش من عمرو ابني هو مش بيجي دلوك خالص وانا هاجي جبله بكتير فمتجلجيش وانا مش هتأخر يدوب علي معاد الخروج من المدرسة
حبيية اتوترت وردت بصوت حاولت تبينه طبيعي تمام يا ميس فايزة متنسيش موضوع الغياب بتاعي الله يخليكي احسن يفصلوني
ردت حبيبة براحة وهي بتبتسم بفرحة متجلجيش في عيوني بالسلامة انتي عشان متتأخريش
قفلت حبيبة الباب وبصت لرؤي وابتسمت ورؤي كمان حبيتها من اول مقابلة وبدأو يقعدو يزاكرو سوا وقضو اليوم مع بعض وكانت رؤي فرحانة اوي انها مع حبيبة كل ده كان ماشي تمام لحد ما الباب فجأة خبط فكشرت حبيبة باستغراب وبصت للساعة لان لسة شوية علي
معاد رجوع فايزة فبصت لرؤي واتكلمت وهي بتقوم بقولك يا رؤي خليكي اهنه علي ما اشوف مين يا حبيبتي
حركت رؤي راسها بطاعة وردت وهي بتاكل الساندوتش اللي في ايديها حاضر يا بيبة
راحت حبيبة تفتح الباب بقلق واتفاجأت بعمرو ابن المدرسة بتاعتها واقف عالباب وهو ساند بايديه وبيبصلها بنظرات غريبه وبيبتسم وكأنه كان عارف انها موجودة هنا .......يتبع
الجزء الثاني
عمرو بخبث وهو بيبص لحبيبة والله مصدجتش نفسي لما سمعت انك هنا جيت جري عشان اشوفك
حبيبة بتوتر ميس فايزة مش اهنه وبعدين انت تعرفني منين عشان تجول الحديت ده
عمرو باعجاب واضح وهو بيدخل من الباب بجي في حد ميعرفش الجمر ده برضه وبعدين دي ماما مبطلتش كلام عنك وعن جمالك بس تعرفي طلع عندها حق
عمرو ببرود وهو بيقعد باريحية عالكرسي لا ما انا هقعد اسليكي لحد ما ماما ترجع
حبيبة بصت لعمرو وكانت خاېفة اوي من نظراته اللي مرتاحتش ليها بس لازم تتمسك بالشغل لان هو ده المناسب ليها ومش هتلاقي زيه عشان كدة بصت لرؤي واتكلمت بثقة كدابة طب يلا يا
رؤي عشان نلحج نخلص الدرس قبل ما ماما ترجع دي خلاص علي وصول
قالت حبيبة كلامها واخدت رؤي وقعدت بعيد عن عمرو ونظراته ليها ومن جواها كانت مړعوپة اوي وعمرو كان متابعها فعلا ومبهور بجمالها اللي مش طبيعي
عند فتون كانت قاعدة عالسفرة مع عرابي جدها وامها عزيزة وابوها فضل اللي اتكلم بفرحة خلاص يا ابوي فتون وافجت تتچوز رعد وان شاء الله هنتمم الفرح اول الاسبوع الجاي
عرابي بص لفتون واتكلم بغموض بس ياريت تفضل عاجلة اكده علطول وبعدين لازمن تعرفي ان جوازك من رعد عالورج وبعد كام يوم هيطلجك وترجعي لعاصم فاهمة ولا لاه
فتون ابتسمت بسخرية وردت ببرود وهي بتبص لجدها فاهمة يا جدي متجلجش هرجع تاني لعاصم عشان يكمل عليا مش اكده ياما ما تجولي لجدي
عزيزة بصت
لفتون پخوف وقلق عليها وبعدين اتشجعت وبصت لفضل وحماها عرابي واتكلمت باندفاع بس اني مش لادد عليا ان بتي ترجع للي اسمه عاصم ده يا عمي
عرابي پغضب وهو بيبص لعزيزة بحدة ومن مېتي ليكي رأي يا مرت ولدي ايه يا فضل مش عارف تحكم مرتك ولا ايه
عزيزة كشرت بضيق وردت وهي بتقوم بضيق من زمان يا عمي ليا رأي وجولته بس انتو مسمعتوش ياما جولت ان عاصم مينفعش بتي وانه ميتأمنش بس انتو حكمتو رأيكم وسكت ومفتحتش بوقي وادي النتيجة بتي جيالي حالها يصعب علي اي حد وجسمها يا حبة عيني مزرج من ضربه ليها ودلوك رايدين تدوهالو تاني لاجل ما يكمل عليها لا حرام عليكم هي دي مش بتك يا فضل لحمك هترميه اكده لولاد السواعدة ينهشو فيه
فضل اتأثر بكلام عزيزة وصعبت عليه فتون اللي كانت بتسمع كلام امها وبتعيط فرد بتأثر اكيد لا يا عزيزة دي بتي برضه وبعدين هي غلطانة انها مكانتش بتشتكي اني ليا حديت تاني معاه ويا يتعدل ياما يروح لحاله
قطع الكلام عرابي اللي خبط بعصايته عالارض عشان يسكتهم وفعلا نجح في كدة فاتكلم هو پغضب خلاص اتفجتو وقررتو ونسيتو ان ليكم كبير طب اسمع بجي يا فضل اللي هيحصل ومش هيحصل غيره بتك هترجع لجوزها بعد ما تتجوز المحلل ده ودلع ماسخ اني مش رايد بتك لو لفت الدنيا مش هتلاجي راجل كيف عاصم
خلص عرابي كلامي وسابهم وقام وبصت وقتها عزيزة لفضل بعتاب فسكت هو بقلة حيلة لانه عارف ان ابوه كلمته مش بتنزل الارض ابدا
وكانت متابعة اللي بيحصل فتون وكأنها عارفة اللي كان هيحصل وكانت مقررة تنفذ اللي فكرت فيه ومش هترجع عن قرارها ابدا
بعد يومين كانت قاعدة حبيبة بتذاكر عشان امتحانات المدرسة بتاعة الشهر بس سرحت وكان عقلها مشغول باخر مرة لما جه عمرو وكانت خاېفة منه فكانت بتفكر تتكلم مع فايزة وتعرفها انه بيضايقها بس رجعت تاني في كلامها لما خاڤت احسن فايزة تضايق وتخليها تسيب الشغل وترجع تاني امها تشتغل وتتعب عشانها قطع سرحانها رنت تليفونها فردت بهدوء لكن قلبها اتقبض
لما سمعت صوت عمرو اللي قالها بابتسامة هتصدجيني لو جولتلك وحشتيني
كشرت حبيبة وردت پغضب وزهق انت تاني ارحمني بجي من رخامتك دي وخلي عندك ډم وابعد عني يا اخي
عمرو ببرود وهو بيضحك بسخرية وليه بس العصبية دي حتي مش لايج عليكي انتي شكلك كيوت خالص
ردت حبيبة بعصبية اكتر وهي بتقوم من مكانها انت جبت رقمي منين انطج وبعدين بترن عليا ليه دلوك مش عيب اكده علي فكرة بجي انا
هشتكي لابلة فايزة وهي تشوف صرفة معاك
رد عمرو ببرود وهو بيتنهد براحة كل دي اسألة طب واحدة واحدة عليا بصي يا ستي چبت رقمك منين فدي سهلة خالص من تلفون امي ثانيا بجي مش عيب خالص اني عملت اكده لاني رايدك في موضوع مهم وكان لازم اتحدت معاكي
نفخت حبيبة پغضب وردت بغيظ وهي بتتنهد بضيق اتفضل جول رايد ايه دلوك خلينا نخلص من اليوم ده
عمرو اتكلم باندفاع اټصدمت منه حبيبة رايدك ايوة بصراحة اكدة انا معچب بيكي ورايد تديني فرصة و
حبيبة باندفاع وڠضب اسمع ياض انت اني مش البنتة اللي انت تعرفهم فابعد عني والا انا هجول لامك واخليها بجي هي تتصرف معاك
عمرو اتكلم بټهديد ونبرة صوت خاڤت منها حبيبة منصحكيش تتحدتي باندفاع اكده من غير ما تفكري انا محدش يرفضني وصدجيني احسنلك تدينا فرصة سوا والا هتندمي
قفلت حبيبة في وش عمرو وهي قلبها مقبوض وخاېفة من الكلام اللي قاله وكانت محتارة اوي تعمل ايه في المصېبة اللي هي فيها وفضلت كدة لحد ما قررت تتكلم مع فايزة عشان تتصرف ويحصل زي ما يحصل
هو الحج عرابي اهنه
كانت بتتكلم نعمة ام رعد بجمود وهي واقفة قدام بيت فتون ورد عليها الغفير بثقة ايوة اهنه ثواني نديله خبر بس نجوله مين
ردت نعمة بتلقائية وهي واقفة تبص للبيت بغموض جوله نعمة وهو هيعرفني
دخل الغفير وشوية وخرج تاني وهو بيتكلم بلهفة اتفضلي يا ست نعمة الحج مستنيكي جوة اتفضلي
دخلت نعمة البيت وهي بتبص حواليها بغموض لحد ما عنيها وقعت علي عرابي اللي كان قاعد بيبصلها بحيرة فقربت منه وهي بتتكلم بجدية اهلا يا حج عرابي ايه مش هتجولي اتفضلي ولا خلاص نسيت اني كنت مرت ولدك في يوم من الايام
عرابي نفخ بضيق ورد بحسم وهو بيخبط بعصايته علي الارض جولي اللي عندك يا نعمة من غير حديت ملوش عاذة انا مش فاضيلك
نعمة ردت پغضب وهي بتقعد قدام عرابي رايداكم تبعدو عن ولدي انا هملت كل حاجة واتنازلت عن حجات كتير لاجل ما اعرف اربي ولدي واطلعه راجل ملو هدومه لكن جاي دلوك تتمسح فيه وتجوزه بنت ولدك التاني مش هيحصل وزي ما جتلي زمان وهددتني
اني لو فتحت خشمي هتأذيني دلوك بجولك اني مش هسمحلك تاخد مني ولدي ومتفتكرش ان لعبتكم دي هتخيل عليا
عرابي بحدة وهو بيقوم من مكانه احفظي ادبك يا نعمة وشوفي بتكلمي مين اني عرابي وانتي خابرة زين اجدر اعمل ايه ويكون في معلومك انا لو بيدي كنت رفضت الجوازة دي بس لولا عاصم اللي صمم علي ولدك واوعاكي تهلفطي في الحديت مرة تانية ولا كلمة ذيادة تخرج من خشمك صدجيني هتندمي
نعمة باندفاع وهي بتقوم وبتقف قصاد عرابي بثقة زمان كنت عيلة صغيرة وخاېفة لكن دلوك اني مش خاېفة منك واعرف ان لو حسيت ان ولدي في خطړ انا هاكلكم بسناني ومش هيهمني وجتها مين فكر في حديتي زين يا عرابي سلام عليكم
مشيت نعمة بعد ما خلصت كلامها وسابت عرابي باصص قدامه پغضب وشرود وهو بيفكر في اللي حصل زمان وكانت متابعة اللي حصل كله فتون پصدمة ومكنتش قادرة تجمع الكلام بس اللي هي فهمته ان رعد يبقي ابن عمها !!
رايدة حاجة يا حبيبة انا همشي عشان عندي الحصة الاولي في المدرسة
كانت بتتكلم فايزة باستعجال وهي بتاخد شنطتها وكملت كلامها وهي بتروح ناحية الباب صحيح لما رؤي تصحي ابجي
وكليها عشان نامت بدري امبارح ومتعشتش زين يلا سلام
اتكلمت حبيبة بسرعة عشان تلحق فايزة قبل ما تخرج ابلة فايزة استني كنت رايدة اتحدت معاكي في حاچة اكده
كشرت فايزة باستغرب وردت باستعجال وهي بتبص في ساعتها
خير يا حبيبة رايدة ايه
متابعة القراءة
